(27.07. 1948 ж) Кезіндегі Қазақстан колхозының ізіндегі ауылда дүниеге келген. Қарауылкелді орта мектебінің 1966 жылғы түлегі. ҚР еңбек сіңірген мәдениет қайраткері, «Құрмет» орденінің иегері Нұрнияз Мұқанұлы Маңғыстау өңірінде көптеген мәдениет ошақтарының дүниеге келуіне және олардың қалыптасып дамуына, көркейіп өркендеуіне белсенді түрде  ат салысып  еңбек етті. Маңғыстау өлкесінің тарихи - мәдени  ескерткіштерін қалпына келтіруге, әсіресе,  «Бекет Ата» және «Шопан Ата» кесенелерінің қалпына келтіруіне ерекше көңіл бөліп,  ат салысты. «Мың бояулы Маңғыстау», «Қазақтың дәстүрлі қолөнері», «Маңғыстау фотоальбомы» кітаптарының авторы.