(8.12.1942 ж) Қызылбұлақ селолық округінде дүниеге келген. Қазақ жазушысы,  Қазақстанның еңбек сіңірген қайраткері, Байғанин ауданның құрметті азаматы. Алғаш жарық көрген кітабы «Жұлдызды түндер» деген атаумен 1972 жылы басылып шықты. Онда туған жер, адамгершілік, азаматтық парыз туралы әңгімелері енген. «Қайдасың сен, махаббат?», «Сынық терезе», «Жалғыз жиен», «Тоғысар арнамыз бір толғанғанда...», «Алабұға, аққайран...», «Сырым Датұлы» секілді бірнеше кітаптардың авторы. Жерлесіміздің кесек туындысы  «Тар кезең» тарихи романы жоғары бағаланып, 2014 жылы Әдебиет пен өнер саласындағы Мемлекеттік сыйлықтың иегері атанды. Сондай-ақ, бірқатар қаламгерлердің шығармаларын (Р.Акутагава, С.Чубек, Л.Хонвано, Я.Брыль, Л.Колодезный, Дж.Одинаев, Х.Абдуллин, Т.Жұмагельдинов т.б.) қазақ тіліне аударды.