Қарақалпақстанның Хожелі қаласында дүниеге келген. Ата – бабалары Жем, Сағыз, Маңғыстау аймағында өмір сүрген. Ақын, халықараралық «Алаш» сыйлығының лауреаты. Алғашқы жыр жинағы «Бастау» деген атпен 1980 жылы жарық көрді. «Келінтөбе», «Шолпан жұлдыз туғанша», «Ғайша бибі», «Қара бауыр қасқалдақ» атты жыр кітаптары оқырман қауымға жақсы таныс. Прозалық туындыларынан «Нұрдан жаралған» романы, құстар табиғатын сөз еткен этнографиялық новеллалары бар. Өлеңдері әлемнің бірнеше тілдеріне аударылған.