1964 жылы 12 ақпанда Ақтөбе облысы Новоресей ауданында дүниеге келген. 1981 жылы Байғанин ауданы Қарауылкелді ауылындағы  орта мектепті бітіргеннен соң Алматы көлік инженерлері институтына түсіп, 1986 жылы тәмәмдап шығады. Сол уақыттан бері темір жол саласында сүбелі еңбек етіп келеді. 2000-2005  аралығында Ақтөбе тасымалдау бөлімшесінің директоры, 2005 жылдан бастап Атырау жол бөлімшесінің директоры қызметтерін атқарған.  2003-2005 жылдарда Ақтөбе облыстық мәслихатының депутаты, 2007 жылдан Атырау облыстық мәслихатының депутаты. «Құрметті теміржолшы» белгісінің иегері. 2001 жылы «Республиканың тәуелсіздігіне 10 жыл» ,2004 жылы «Қазақстан темір жолына – 100 жыл» мерекелік медальдарымен, 2005 жылы Хромтау – Алтынсарин темір жол желісінің құрылысына  сіңірген еңбегі үшін «Адал еңбегі үшін» белгісімен марапатталған.