Бекмұхамбетов Әнуар Керейұлы – 1937 жылы 17 шілдеде Хромтау ауданы Болат ауылында дүниеге келген. Ауыл шаруашылығы ұйымдастырушысы. 1957-1975 ж Алматы зоотехникалық-малдәрігерлік институтын бітіргеннен кейін Ақтөбе ауыл шаруашылығыбасқармасында бас зоотехник, Қарабұтақ ауданы Бөгетсай кеңшарында бас зоотехник, Қобда өндірістік ауыл шаруашылығы басқармасында бас зоотехник, аудандық халықтық бақылау комитетінің төрағасы, Ақтөбе ауыл шаруашылығы басқармасы бастығының орынбасары, бірінші орынбасары болып қызмет жасаған. 1978-1991 ж Ойыл аудандықпарткомының бірінші хатшысы, 1991 жылы Ақтөбе облысы партия комитеті жанындағы партия комиссиясының төрағасы, 1966 ж облыстық ауыл шаруашылығы басқармасы бастығының орынбасары. Он бірінші сайланған Қазақ КСР Жоғарғы Кеңесінің депутаты, Қаз.Компартиясы орталық комитетінің мүшелігіне сайланды. Еңбек Қызы Ту, 2рет «Құрмет белгісі» орденімен, медальдармен мараптталған.